ذئاب الجبل ( عودة البدري)

وبيفكر وعنيه زي عيون الديابه.... 
واه ياعربي...
والله كبرت وعتمد يدك عليا وعتهددني.. 
ااااااه... 
وبعدهالك ياعلوان... 
كل ما عتقولت طابت... 
يطلعلك شي كه العفريت يوقف في طريقك... 
لكن لااااه... لاه والف لا... 
بعد كل اللي عملتو ده في الشيخ بدار وولده البدري..
وياسين ومهجه.... 
تطلعلي انت ياعربي... 
يعني عتكون أعز منيهم.... 
ويقول... 
هي ديتك ړصاصه بمليمين... 
وتدخل عليه مراته ماسكه صينية الشاي وتشوفه ماسك المسډس وتقول... 
واااه... ايه المسډس ده ياعلوان... 

علوان اول ما يشوفه يمثل انه بينفخ في المسډس وقولها... 
لاه اني عنضفو بس.... 
ويمسك الصنيه منها ويحطها علي الكنبه ويقول... 
اقعدي...ريحي حالك... 
وبعدين وين البت اللي جبتهالك... 
سايباكي اكده وغارت وين... 
ويزعق علوان... انت يابت... 
انتي يا مقصوفة الرقبه.... 
ترد مراة علوان... 
مش اهنه... مش اهنه ياعلوان... 
علوان يبصلها ويقول... 
مش اهنه... امال غارت وين... 
ترد.... 
البت لها سبوعين مشافتشي ناسها....
شيعتها بس يوم اكده ولا يومين وهتعاود.... 
يهدي علوان ويرد... 
طيب ماتتعبيش روحك انتي واصل واي شي انتي عاوزاه اني هشيع اجبهولك... 
الواد اللي في بطنك ده اني مستنيه من زمان... 
هو اللي هيبقي وريثي وهيشيل اسمي من بعدى... 
ترد عليه... 
واااه واش عرفك انه واد... 
مش يمكن تطلع بت... 
يرد علوان... 
واه... بت... عشان اقصف عمرك وعمرها... 
ويبص علوان بنظرات تحدى... 
قال بت قال.... 
اهو ده اللي ناقص كماني... 
.......... 
................. 
......................... 
المشهد... دار نعمه... 
العربي قاعد مع نعمه وبيتكلم معاها..... 
العربي... شوفي يانعمه عاد... 
علوان ده... معيخطيش عتبة الباب ده تاني.... 
اوعاكي يانعمه.... 
اوعاكي يابت ابوي قلبك يحنله تاني.... 
ده تعلب مكار ومعيهموش غير موصلحته وبس.... 
قسما عظما يانعمه لو شوفته او سمعت انه عتب اهنه تاني... 
لاكون مبندقه قدامك اهنه.... 
واني هعرف كيف ارجع من الجديد والقديم... 
قرش قرش... ومليم مليم... 
ويانا يانت ياعلوان افي هواره.... 
ويطلع العربي ونعمه مبتردش عليه وبتتاابع كلامه بحزن وبكا وتطلع وتقفل الباب وراه... 
وتقف ورا الباب وتردد... 
يامورك يانعمه.... 
يامورك يانعمه...... 
............ 
................... 
............................. 
المشهد... عزوز... داخل السنترال ودخل الكابينه وبيتصل بالمعلم حسني..... 
المعلم حسني في المينا قاعد والتليفون يرن.... 
يرفع المعلم حسني السماعه.... 
الووووه.... مين.... عزوز.... 
كيفك يا واد عمي.... 
عزوو الناحيه التانيه.... 
الحمد لله.... كيفك انت يابو دبيكي..... وكيف اللي عنديك.... المعلم حسني... 
زين... زين يا واد عمي... 
خير....في جديد.... 
عزوز..... 
فيه... فيه يابو دبيكي... 
العربي وعلوان اتعاركو.... 
والعربي راسه والف سيف علوان يطلق نعمه...
ومسكو في خناق بعض والعربي كان هيطلع روح علوان لولا خلصوه منيه بالعافيه... 
وحرج علي علوان ميهوبشي ناحية دار نعمه والا هيبندقو...
المعلم حسني... 
ده الموضوع بقي حامي قوى علي اكده... 
طب وكبارات هواره... 
عملو ايه... 
عيقولو ايه....
علوان جمع كل كوبارات هواره 
وعيشهدهم عاللي حوصل... 
وعيقول انه له حق عرب عند العربي...
المعلم حسني.... 
طيب... طيب ياعزوز... 
شوف هيوحصل ايه وعرفني..
عستني منيك تلفون بكره... 
ضرورى ياعزوز... 
ماشي... ماشي ياواد عمي... 
بالسلامه انت دلقيت.... 
ويقفل السماعه.... 
ويرفعها تاني ويتصل علي البدري يعرفه الحكايه.... 
........... 
.................... 
مؤلف القصه
حماده فاروق هاشم... 
.............................. 
المشهد..نقطة بهتون.... 
الضابط عصام قاعد علي المكتب وقدامه الصول نفادي.... 
الضابط عصام... 
اااه يانفادي... 
لو لملوم ده كان عاش.. 
كان هيحل الغاز كتير كنا في غني عنها.... 
بالشكل ده الموضوع هيتعقد معانا اكتر من الاول.... 
واللي اسمه ابو دبيكي ده طول ماهو حر هيبقي خطړ....
الصول نفادي... 
ربنا يجيب العواقب سليمه... 
عصام... 
هو اللي أسمه علوان ده فين... 
مش ظاهر يعني ومبقاش يفيدنا بمعلومه حتي.... 
امال عامل نفسه كبير هواره عالفاضى... 
نفادي.... 
علوان يابيه مشغول بعركته مع العربي.... 
عصام.... 
عركته مع العربي!!!! 
انا مبقتش مرتاحله اساسا.... 
حاسس انه مخبي حاجه
او يعرف حاجه ومش عاوز يقول...
علوان ده موش سهل... 
نفادي... 
من جيهة مهوش سهل... 
فمهوش سهل واصل ياعصام بيه... 
أسألني انا عنيه يابيه.... 
في سبيل انه يبقي كبير هواره... 
مستعد يدوس عالكل كليله... 
ملوش عزيز ولا غالي يابيه.... 
تحب اشيعله خبر يجيك يابيه... 
عصام.... 
لالالا.. ملوش لزوم.... 
انا هتصرف.... 
مهو يانا ياهم في البلد دى... 
........... 
................... 
.............................. 
المشهد.... دار علوان..... 
علوان جمع كبارات هواره والكل منتظر العربي ييجي... 
كل واحد بيكلم اللي جمبه بهمس بصوت مش مسموع وخايفين من اللي ممكن يحصل بين العربي وعلوان.... 
واحد بيكلم اللي جمبه... ويقول... 
ربنا يستر..العربي غشيم واني عارفه لما تقفل معاه معيعرفش ابوة.... 
وممكن يسيح ډم علوان بناتنا اهنه..... 
وفي اللحظه دي يدخل العربي.... 
ويبص لصاحبه ويقوله... 
اوسكوت اوسكوت اها جه اها... 
اوسكوت ليسمعك ويغفلقها علي دماغك... 
العربي يدخل وهو متعصب وباين من تعابير وشه انه ناوي علي حاجه..... 
العربي وهو واقف بدون ما يقعد. 
سلامو عليكو يا رجاله... 
يرد الكل السلام..... 
ويرد واحد... 
اوقعد يا عربي... اوقعد.... 
العربي يرد بعصبيه.... 
اني مش جاي اقعد.... 
اني جاي اسمعكم واقول اللي عندي.... 
يرد اخر.... 
اباي ياعربي.... 
ماتقعد ياواد عمي.... 
اقعد الله يرضي عنيك... 
العربي بعصبيه اكتر... 
قولت موش قاعد... 
يلا قول اللي عنديك ياعلوان.... 
يقوم علوان ويرد.... 
واعيين يا هواره.... 
واعيين لقلة حياة.... 
يقوم واحد ويرد.... 
صلو عالنبي ياجماعه... 
موش اكده عااااد.... 
عاوزين نتفاهمو بالعقل.... 
موش صوح الحديت اكده... 
علوان يرد... 
اني عامل خاطر للرجاله... 
والا كان هيبقي فيه كلام تاني... 
يرد العربي... 
لا تاني ولا تالت... 
اني عشهد الرجاله عليك اهه... 
طلق نعمه ياعلوان... 
وكل مليم ختو منيها تردو تاني.... 
يرد علوان.... 
هم عشرتلاف اجنيه ابتوع رهن الجنينه... 
وقولتلك عدهوملك عالجزمه القديمه.... 
العربي يرد.... 
لاه مش دوله
وبس... 
واللي قبلهم... واللي قبلهم والغزيه اياها ياعلوان ولا فاكرني نايم علي وداني... 
معوزشي افتح واقول قدام الناس.. 
انا قولتها كلمه يا علوان.... 
هتطلق نعمه.... يعني هتطلق نعمه... 
وترد كل اللي ختو منيها.... 
والا قسما عظما هطربقها علي نفوخك ياعلوان..... 
علوان واقف في نص هدومه وحس ان العربي يعرف عنه كتير وبدأ ېخاف من الڤضيحه وبيحاول يدافع بأي كلام.... 
علوان.... 
شاهدين.... شاهدين ياهواره.... 
ويقوم واحد منهم.... 
ماتهدي ياعربي امال... 
ميصحش اكده ده مهما كان كبيرنا برضك.... 
العربي بعصبيه... 
كبيركم انتو.... اني مليش كبير.... 
ويبص لعلوان.... 
دورها في راسك ياعلوان... 
وهما