اعتدال الشربيني بقلم محمد مالك

السبب
اعتدال .. ما انا قلتلك ان نوال بقت تخرف بالكلام وسيبيني بقي يا نهي
نهي .. حاضر يا ماما
نهي تترك الغرفة وتنصرف واعتدال تفتح هاتفها المحمول وتتصل علي حمادة
اعتدال .. ايه رحت فين !!
حمادة .. سيبت البيت ومشيت
اعتدال .. ايوا رحت فين يعني !
حمادة .. انا عند واحد صحبي
اعتدال .. امك اتصلت علي نهي وفضلت تلقح بالكلام وتقلها قولي لأمك حمادة ساب البيت عشان ترتاحي !! ارجع البيت يا حمادة ارجوك .. امك لسانها طويل لا مش هرجع .. انا مش مستحمل منها ولا كلمة
اعتدال .. وبعدين طيب !!
حمادة .. ولا حاجة سيبك منها
اعتدال .. اسيبني منها ازاي !! بقلك دي ممكن تهلفط بالكلام
حمادة .. ولا يهمك .. لو جدعه تثبت
اعتدال .. يا مصېبتي السودا وانا لسة هقول تثبت ولا متثبتش دا العيار اللي ميصيبش يدوش !! منك لله انت السبب
صفحة محمد خلف صالح.. ممنوع نقل الروايه 
حمادة .. انا بحبك با اعتدال
اعتدال .. انت لسة هتقول الكلمة دي تاني ! طب انا بكرهك يا حمادة ومش طايقة اشوفك ولا اسمع صوتك حتي ويلا اقفل السكة
ثم تغلق الخط وتحادث نفسها قائله
اعتدال .. وبعدين ياربي !! استر يارب
ونعود الي نهي حيث اتصلت بها نوال مره اخري
نهي .. ايوا يا طنط ازيك
نوال .. قلتي لأمك يا نهي علي اللي قلتهولك 
نهي .. قلتلها يا طنط
نوال .. وعملت ايه !
نهي .. معرفش .. انا سيبتها ومشيت
نوال .. قولي لأمك تكلم حمادة وتخليه يرجع البيت انا عرفة انه هيرد عليها
نهي .. طب ما تكلميه حضرتك علطول
نوال .. برن عليه ومش عايز يرد عليا !! لكن انا متأكده انه هيرد علي امك
نهي .. اشمعني ماما يعني !
نوال .. اسألي
امك لو
تقدر تجاوبك يا حبيبتي !
نهي .. هو في ايه يا طنط !! وايه علاقة ماما بإن حماده ساب البيت !!
نوال تغلق الخط ورد فعل علي وجه نهي
نهي تحادث نفسها وهي في غاية الدهشة
نهي .. هي ايه الحكاية بالظبط مالهم بيتكملوا بالالغاز كدا ليه !!
اعتدال في حيره شديد وخوف دائم من المجهول ونهي تجلس مع عصام خطيبها داخل كافيتريا كلية الطب
عصام .. مالك يا نهي في ايه !!
نهي .. مش عرفة يا عصام .. حاسة ان في مشكلة مع ماما ومش عايزة تقول !!
عصام .. ليه خير .. مالها ماما !!
نهي .. مش عارفة حالها ملخبط اليومين دول وقلقانه بأستمرار ومش بتخرج من اوضتها خالص !!
عصام .. مسألتهاش مالها !!
نهي .. سألتها كتير ومش بتجاوب
عصام .. يمكن يكون في حاجة معاها ومش عاوزة تشغلك بيها
نهي .. مش عرفة .. بس انا حاسة ان المشكله بينها وبين طنط نوال
عصام .. طنط نوال دي جارتكم اللي في العماره اللي قصادكم 
نهي .. ايوا هي
عصام .. طب وايه اللي وصلك الاحساس دا !!
نهي .. طنط نوال كلمتني في التليفون من يومين وقالتلي خلي امك تكلم حماده عشان يرجع البيت تاني لأحسن هتجيب عاليها واطيها وتقول لخيلاني علي كل حاجة !!
عصام .. وهتقول لخيلانك علي ايه بالظبط !
نهي .. سألتها وقالتلي اسألي امك وهي تجاوبك دا اذا كان عندها الجرأة انها تجاوبك
عصام .. ايه الالغاز دي !! واضح فعلا ان مشكلة بين مامتك وطنطك نوال
نهي .. ايوا انا متأكدة انهم زعلانين مع بعض عشان طنط نوال قبل ما تكلمني كانت بترن علي ماما وماما مش عاوزة ترد عليها !! بس ايه هي المشكلة اللي ببنهم !! وايه علاقة مشيان حمادة من البيت ب ماما !! هو دا السؤال اللي بدورله علي اجابه دلوقتي
عصام .. متشغليش
بالك بيهم مهما كان بينهم دول عشرة عمر طويلة واكيد في يوم هيتصالحوا
نهي .. دول عمرهم ما زعلوا من بعض ابدا !!
عصام .. سيبك بقي من الموضوع دا وقليلي هنحدد فرحنا امتي !!
نهي .. ايه .. مستعجل
اوي !!
عصام .. الا مستعجل اوي !! نفسي طبعا يجمعني بيكي سقف واحد واذا كان ع الدراسة كملي واحنا مع بعض .. ولا انتي مش نفسك نبقي مع بعض علطول!!
نهي .. اكيد نفسي يا عصام وبحلم باليوم دا كمان
عصام .. خلاص .. خير البر عاجله