إبني فى عيد الأم بقلم دوداا حوداا

مرة وياخد فلوس بزيادى
وخرج محمد هو والبنات وفاطمة جهزت فطار ملوكي ودخلته لحسام
فاطمة 
اصحي يا حبيبي اصحي يا قلب ماما انا جيبتلك الفطار لحد عندك يالا عشان ما تتاخرش علي الجامعة
محمد
خلاص يا ماما انا صحيت هو بابا راح علي المدرسة ولا لسه قاعد يسمعني كلمتني
فاطمة 
اتلم يا واد ابوك خاېف عليك وعايزك احسن واحد في الدنيا وبعدين خرج هو واخواتك
محمد
الحمدلله اقوم افطر براحتي وعايز منك فلوس يا ست الكل عشان العملية معاي نشفت عالاخر
فاطمة 
يا سلام انا مش لسه عطياك فلوس امبارح لحقوا خلصوا
محمد
خلاص لو مش عايزة تديني مش مهم 

عادي لما ابقي اقلل واحد في صحابي او 
اي حد يقولي اعزمك ويتمنظر عليا
فاطمة
هو انا اقدر اخليك اقل واحد دا انت نور عيني وسندي بعد ربنا وابوك وهاتيك اللي انت عايزه بس ما فيش فلوس تاني 
انا خلصت فلوس ايجار الارض بتاعتي ولو ابوك عرف هيزعل اقوي
حسام 
وهو ماله دي فلوسك معاكي غير ابنك حبييك تدلعيه وبعدين كل الفلوس بتاعة ايجار الارض خلصت يا فطوم علي حسام
فاطمة 
بطل غلبه روح تلجامعة بتاعتك ويا ريت تيجي بدري في عريس جاي لاختك ولازم تبقي موجود
وجه العريس لياسمين واتفقوا علي كل حاجة 
محمد
والله يا فاطمة الواحد مش عارف يجيب فلوس يكمل جهاز البنت منين ما هو المحروس ابنك كان بيشتغل في الاجازة زي كل الشباب اللي بتساعد نفسها كان ساعدني وخفف عني الحمل
فاطمة 
ان شاءلله تدبر وتستر ولو عايز تبيع حاجة من الارض بتاعتي بيع وكمل جهاز البنت
محمد
لا طبعا فليك وارضك ما تلزميش يا ام العيال اول بيها انتي وبعد عمر طويل ولادك مش انا وجهاز بنتي اجهزه بفلوسي
وتمت جوازة ياسمين علي خير وحسام ابني ولا عنده خبر بالدنيا واللي فيها وخلصت فرح الجامعة وبعدها حسام 
وفرح اشتغلت وبدات تجهز نفسها عشان تساعد ابوها وحسام كان بيدور علي شغل بس مالقيش اللي يبناسبه
محمد
ايه يا حسام عملت ايه في الشغل اللي كنت رايحله النهاردة يارب تكون اوفقت
حسام
لا يا ابويا ما عجبنيش والمرتب قليل انا عايز افتح مشروع لحالي من غير ما حد يتحكم فيا
محمد
يا سلام ما كل الناس بتبدا بمرتب قليل وبعد كده بمجهودها بتعلي ولا حضرتك عايز كل حاجة علي الجاهز ما تبص علي اخواتك البنات ياسمين ساعد نفسها في 
جهازها وبتساعد جوزها وبيبنوا حياتهم مع بعض وفرح اختك بتجهز نفسها وانت الراجل مش عارف تعمل حاجه
حسام 
هو انا كل ما اتكلم تديني المحاضرة دي انا هاسيب البيت وهامشي وبلاش منها المعايرة دي
فاطمة 
تمشي تروح فين يا ضنايا حرام عليك يامحمد اللي بتعمله في الواد ما تساعده زي كل الناس ما بتساعد عيالها
محمد
هو انا لحد دلوقتي ما وقفتش معاه ربيته وعلمته وبقي شحط طويل زي الحيطة ما يعرفش يدور علي شغل ويبدا حياته
فاطمة
انا هساعد ابني والمشروع اللي عايزه انا هافتحه ليه ويبدا كبير ويفضل كبير طول عمره
محمد
وانتي ان شاءلله هتفتحيله منين ياهانم 
ايه هتنزلي تشغلي معاه ولا هتجيبله قرض وتتيسجني
فاطمة 
لا هابيع الارض اللي ورثتها عن ابويا وهاتديهله ويفتح المشروع اللي عايزه 
وهاقف جنب ابني ومش هاسيبه
محمد
براحتك ارضك وانتي حرة فيها بس كده انتي بتظلمي بناتك
فاطمة
هظلمهم ليه كل واحدة متعلقة برقبة راجل واخوهم بيته مفتوح بحسه ليهم اي واحدة هتعوز اي حاجة هيجبهالها اخوها 
سندهم في الدنيا بعد ربنا وبعدك يا محمد
محمد ما اقتنعش بالكلام ده اصلا وفعلا باعت فاطمة الارض لابنها وفتح حسام مشروع سوبر ماركت كبير وفرح اخته
اتجوزت وبقي هو في البيت لوحده مع ابوه وامه وفي يوم وهما