نور وحضرة الظابط ايهم

حفلة و تعملي المطلوب منك بس.
نور حفلة.... حفلة إيه و عند مين .. أنت عايز مني ايه بالظبط.
أيهم هممممم ... هترجع تاني تمثل دور خضرة و ناسية إنها جايه لي القسم
نور أنا مش جايه و انت شوفت بنفسك أنت ليه مصمم على كلامك ده
وقف من مكانه و قال شششش.. مش عايز أسمع صوتك .. كلامي يتنفذ... أنا نازل أجيب لبس ليكي بدل الارف إلي أنتي لابساه ده و بعدها تتعلمي إلي عايزك تعمليه و بسرعه عشان أنا خلقي ضيق و ما بحبش الغباء.. فاهمه.
نور سكتت پغضب وقهر.
أيهم صړخ فيها قولي حاضر
نور حاضر .. حاضر.
خرج أيهم و نور كانت مش عارفه تعمل إيه و لا تتصرف إزاي أو تروح لمين .. كانت حاسه أنها مسجونه عنده .
بعد كام ساعه رجع أيهم و معاه شنط كتير.
حطهم على الكنبه و نادى عليها أنتي يا بتاعه أنتي... أنتي يا بني آدمة.
لكن نور ما كنتش بترد.
أيهم حس پخوف ملى قلبه مايعرفش ليه.. خاف تكون نفذت إلي في دماغها و هربت فعلا.
فضل يدور في كل الاوض .. يخرج من اوضه و يدخل لأوضه
أيهم نور... يا نوووور.. نور
أخيرا اخد نفسه لما لاقاها في اوضه من الاوض و رايحه في النوم من كتر التعب.
بهدوء و هو بيتأمل ملامحها .
أيهم
ما شاء الله...زي القمر.. إيه الجمال ده.
و بدأ يصحيها بهدوء
أيهم نور.. نور اصحي يالا.
نور بدأت تفتح عينيها لاقت أيهم باصص لها بهدوء و بيبتسم.
قامت پخوف شديد منه و قعدت
نور إيه في ايه
أيهم مال وشك قلب كده أول ما شوفتيني .. ايه شوفتي عفريت
نور قالت بصوت واطي العفريت عنده رحمه عنك
أيهم بتقولي ايه سمعيني .
نور و لا حاجة.. حضرتك كنت بتصحيني ليه و لا تهمتي بتمنع النوم .. أنا أسمع أن حتى المساجين بيناموا في السجون و
لا إيه يا أيهم باشا.
أيهم إيه... ماسورة و أتفتحت
في وشي.. الحق عليا اني مصحيكي عشان تاكلي .. أنتي من أمبارح ما أكلتيش.
نور لا كتر خيرك مش عايزة.
أيهم قولت قومي يعني تقومي بقولك .. أنتي ما أكلتيش خالص.
نور كانت بردو معانده و مش عايزة.
لكن صوت بطنها إلي زقزقت من كتر الجوع .
ضحك أيهم واضح أنك مش عايزة فعلا.. يالا قومي .. جايب لك كباب.
خرجوا للصاله 
و استغربت نور من الأكياس الكتير الي في كل مكان
نور ايه كل الاكياس دي
أيهم لبس و شنط و جزم و أي حاجة ممكن تكوني هتحتاجيها الفتره الجايه
نور ليه... كل ده ليه... هو أنت واخدني تشغلني ايه بالظبط
أيهم لا ما تبصليش كده و دماغك ما تروحش لبعيد أنا راجل قوي مش أريل... فبلاش دماغك تحدف شمال
نور أمال إيه الحكاية و أيه إلي يخلي ظابط شرطه يهرب مسجونه عنده و يقعدها في شقته انا