صاحب جوزي بقلم هويدا زغلول

عماد وانا قولت لرؤوف
مالك يارؤوف ومال ناهد
رؤوف
مالي يا كوثر انا عملت ايه بس

ايه يا لولا هو انتي مش هتخرجي تسلمي على عمو رؤوف صاحب بابا
ليلى
لا مش عايزة اخرج بره هو ليه بابا بيحب الراجل ده اوي كده ياعمتو
ناهد
عشان رؤوف وبابا صحاب من قبل ماتتولدي يا لولا فطبيعي بابا يحبه زي اخوه وكده
ليلى
بس انا مش بحبه خالص ومش بحب يجي عندنا هنا
ناهد 
ليه بقا يا ليلي هو عمو رؤوف ضايقك او عملك حاجه
ليلى پخوف 
ها لا لا لا مش ضايقني ولا حاجة خالص انا مش هقول اي حاجه
ناهد 
اخدتها في وقالت خلاص ياحبيبتي اهدي 
مالك يا بنتي بس وبعدها دخلت كوثر

كوثر 
اي ده فيه مالها ليلي
ناهد 
ملهاش بس حاولي تخدي بالك من بنتك شويه
يا كوثر وبعدها خرجت من الاوضه

ودخل شقه حماتي وقالها
رؤوف
ازيك ياخالتي ام عماد لو عايزين اي حاجة اطلبيها مني علطول انا تحت أمركم انتي والانسة ناهد
ام عماد
متشكرين يارؤوف يابني والله عماد لو كان ليه اخ مكنش هيبقا زيك كده وفي جدعنتك دي
رؤوف
يا خالتي ام عماد انتي متعرفيش انا بحب عماد اد ايه ربنا اللي يعلم والله غلاوته في قلبي
ام عماد
ربنا يخليكم لبعض يارب يارؤوف
رؤوف
بصي ياخالتي ام عماد بصراحة انا كنت جايلك النهارده عشان موضوع كده هو انا عارف اني لازم اتكلم الأول مع راجل البيت بس انا بقول انت ست الكل هنا وبرضو اشوف رايك فيا ايه
ام عماد
رؤوف خير ياعماد يابني اؤمرني
رؤوف
الأمر لله وحده بصراحة انا جيالك وطالب ايد الانسة ناهد بصراحة مش هلاقي في ادبها ولا اخلاقها مشاء الله عليها تربية عالية ربنا يحفظها يارب
ام عماد
بس انت عارف ياعماد موضوع زي ده لازم تكلم اخوها الكبير فيه
رؤوف
طبعا ياحجة منا مستني عماد يرجع بالسلامة ان شاء الله واطلب ايديها منه رسمي بس انا عايزك تاخدي رايها وتديني كلمة لحد عماد ما يرجع
ام عماد
هو بصراحة يارؤوف يابني انا لو لفيت الدنيا مش هلاقي عريس لبنتي زيك راجل وهتصونها وتحافظ عليها
رؤوف
والله هحطها في عنيا واقفل عليها
ام عماد
خلاص يابني نستنى لما عماد يرجع بالسلامة ونشوف راية ايه
وحماتي قالت لناهد اللي كانت معترضة على رؤوف وناهد مش موافقه عليه لكن امها فضلت تقنع فيها بس كانو مخبين عليا الموضوع ده وبعدها بكام يوم رجع عماد من السفر ودخل عند امه وقالتله
ام عماد 
ها قولت ايه ياعماد انا شايفه انه عريس كويس لاختك وانت بتحبه زي اخوك وبتقول عليه جدع وراجل
عماد 
هو بصراحة يا أمي رؤوف مفيش زيه راجل وجدع وصاحب صاحبة بس نشوف رأي ناهد ايه الأول مش يمكن يكون ليها رأي تاني ياناهد ياناهد
ناهد 
نعم ياعماد بتنادي عليا
عماد 
اه ياحبيبتي كنت عايزة اسالك ايه رايك في رؤوف صاحبي اصل طلب ايديك مني
ناهد 
ماما قالتلي ياعماد وانا بصراحة مش موافقه عليه هو بصراحة يعنى شكله مقبول لكن حاسه اني مش بحبه
عماد 
هو انتي هتتجوزي عشان شكله ياناهد الراجل جدع وعمره ماقصر معانا وشاريكي انا هسيبك كام يوم تفكري فيه وتردي عليا عشان ادي كلمة للراجل ماشي
ناهد 
حاضر ياعماد 
وطلع عماد الشقه واعد على السفره هو وليلى وانا كنت بحط الاكل
عماد 
وحشتني يا لولا اوي
ليلى 
انت كمان يابا
كوثر 
مقولتليش ياعماد انت اتاخرت تحت عند امك ليه في حاجة ولا ايه حاسه ان انك كانت عايزك في موضوع مهم لأنها كل شويه كانت بتسال 
جاي أمتي
عماد 
ابدا ياستي اصل رؤوف طلب مني ايد ناهد اختي وكنت اعد بقنعها توافق عليه 
وفي الوقت ده وانا
خارجة من المطبخ الطبق وقع من ايدي ادشش مېت حته
عماد 
مش تاخدي بالك ياكوثر